O concello de Arteixo abre mañá ao público o novo complexo de piscinas de Pastoriza-Meicende.
O edificio sitúase nunha parcela de 23.000 m², unha nova zona verde contigua á xa existente no encoro de Meicende, e que alberga o novo complexo deportivo que conta con dúas piscinas, un ximnasio de 500 m² e catro salgas máis de actividades deportivas
A apertura do edificio terá varias fases:
1ª FASE VISITAS GUIADAS: Comezo mañá día 22 de decembro. Horarios: de 10:00 a 13:00 de 17:00 a 21:00 os días 22, 23, 26, 27, 28, 29 e 30 de decembro. Aos visitantes informaráselles das actividades e as tarifas, ademais de ensinarlles as instalacións. A información pode ser solicitada no teléfono 981 79 81 47
2ª FASE PUERTAS ABERTAS GRATUÍTO: Comezo o 2 de xaneiro e finalización o 15 de xaneiro. Haberá acceso libre e gratuíto á instalación ata o 15 de xaneiro. Teléfono de información 981 79 81 47 ou na propia instalación. Actividades dirixidas de luns a venres, sábados mañá: 10:30 – 12:30h. / 18:00 – 20:00h. Nado libre de luns a domingo. Asistencia previa inscrición en grupos cunha hora de actividade ata completar aforo de 20 persoas. Os grupos poderanse completar sen necesidade de inscrición ata o máximo de 20 persoas. Horarios de 09:00 – 12:00 / 17:00 – 21:00.
3ª FASE APERTURA XERAL. Comezo 16 de xaneiro. Comezo das actividades dirixidas. Deseño de programas de adestramento persoais fitness. Oferta de cursos trimestrais de natación.
O edificio alberga dúas piscinas -unha será de iniciación destinada fundamentalmente aos nenos-, un ximnasio de 500 m², e catro salgas de actividades destinadas a diferentes disciplinas deportivas de entre 120 e 200 m2.
O proxecto instalarase sobre un terreo de 22.698 m², onde o edificio ocupa 4.872 m² e unha zona verde de 13.889 m². O edificio intégrase na contorna que ten certa pendente desde o AC-415 ata o encoro a través dun vial de acceso que desemboca nunha zona de aparcamento para vehículos privados e autobuses. O edificio distribúese en dúas plantas e un soto.
O concello destinou 4.175.000 euros á construción do edificio e 773.000 euros á urbanización da nova zona verde. En canto á construción, o edificio conta con cerramentos de formigón visto e cortiza, unha clase de cerramento que o equipo redactor (Nimo e Mezquita Arquitectura) xa utilizou en instalacións de Lisboa, Setúbal e Braga, e que conseguiu a cualificación de clase enerxética A. Tamén terá un campo de enerxía solar que abastecerá preto das necesidades eléctricas do concello. Tamén se utilizará a calor residual que xurda das instalacións do concello para a calefacción do edificio. As augas grises dos filtros das piscinas tamén se reutilizarán para os inodoros do edificio.
Carlos Calvelo, alcalde de Arteixo, sinalou que con “o novo transporte circular que puxo en marcha o concello de Arteixo, a nova piscina non dará servizo só aos veciños de Pastoriza e Meicende senón tamén doutros núcleos como Vilarrodís e Oseiro, que estarán a só dez minutos da instalación se utilizan o novo autobús municipal”. As nova infraestruturas ampliarán a actual zona verde que se sitúa nas marxes do encoro de Meicende e servirá para ofrecer un novo equipamento aos veciños da zona norte de Arteixo.
