Search
Filtro xeral
Só coincidencias exactas
Buscar no título
Buscar no contido
Buscar no extracto
Search
Filtro xeral
Só coincidencias exactas
Buscar no título
Buscar no contido
Buscar no extracto

Inicio > O Concello comeza unha limpeza manual do río Bolaños

PUBLICACIÓN

O Concello comeza unha limpeza manual do río Bolaños

27 Sep, 2022 | NOTICIAS

O Concello comezou hoxe, utilizando medios propios, unha limpeza manual do cauce do río Bolaños. O executivo local opta por este tipo de limpeza para evitar o uso de maquinaria e protexer, deste xeito, o ecosistema do cauce e a estrutura do leito do río así como a súa fauna e flora.

Todo o material vexetal extraído úsase posteriormente para facer compost.

Arteixo xa dispón, no seu obxectivo de preservar e coidar o entorno dos ríos do municipio, do Proxecto Londra, un programa que ten como obxectivo abordar a implementación de medidas de restauración de ecosistemas fluviais mediante a recuperación da morfoloxía e dinámica natural dos cauces e o fomento de solucións basadas na natureza no contorno dos ríos Bolaños e Bidueiro.

A Unión Europea concedeu ao concello unha subvención de 907.000€ para levalo a cabo. Arteixo presentárase en marzo pasado á convocatoria de subvencións da Fundación Biodiversidade para o fomento de actuacións dirixidas á restauración de ecosistemas fluviais e á reducción do risco de inundación en entronos urbanos a través de solucións baseadas na natureza dentro do marco do Plan de Recuperación, Transformación e Resiliencia financiado pola Unión Europea dentro dos fondos Next Generation.

O concello plantexa catro obxectivos específicos dentro deste proxecto Londra: mellorar a continuidade e incremento do espazo fluvial dos ríos Bolaños e Bidueiro; desenvolvemento dun sistema de drenaxe urbano sostible enfocado a impedir o arrastre de contaminantes e reducir os costes económicos derivados da súa xestión; ampliación das obras de drenaxe transversal existente; e garantir a correcta execución do proxecto e a participación da cidadanía ao longo do seu desarrollo.

O proxecto tamén desarrolla a implantación de novos sistemas de drenaxe urbanos sostible coa fin de captar e xestionar auga de chuvia de forma máis respetuosa co ciclo natural e eviar a súa contaminación permitindo a súa valorización ou devolución ao medio natural.

 

PODE SER DO TEU INTERESE …

Hemeroteca

Consulta todas as nosas noticias da nosa web

Logotipos

Imaxe corporativa e o seu manual de uso

Ir al contenido