Search
Filtro xeral
Só coincidencias exactas
Buscar no título
Buscar no contido
Buscar no extracto
Search
Filtro xeral
Só coincidencias exactas
Buscar no título
Buscar no contido
Buscar no extracto

Inicio > O pleno de maio debate un modificado de crédito de 5,5 millóns para acometer ou reforzar novos equipamentos públicos

PUBLICACIÓN

O pleno de maio debate un modificado de crédito de 5,5 millóns para acometer ou reforzar novos equipamentos públicos

18 May, 2022 | NOTICIAS

O pleno de maio abordará un suplemento de crédito de 5,5 millóns de euros que ten como obxectivo reforzar presupostariamente varios departamentos municipais e acometer novos equipamentos e reforzar os xa en vigor.

426.000 euros servirán para contratar máis horas no actual servizo de axuda no fogar a dependentes que actualmente atende a 228 persoas. O servizo de comedor a domicilio chega a 59 usuarios.

O Concello tamén aposta pola adquisición de terreos para novos equipamentos públicos polo que reserva para esta fin 500.000€  que servirán para converter en públicos a fraga de Suevos e o terreo adxacente do centro social de Rorís onde se instalará unha nova zona de ocio con equipamentos infantís e biosaudables. Nesa liña usaranse tamén os 594.000€ destinados á construcción dunha nova zona de ocio en Chamín, en Piñeiro.

O modificado que se pretende aprobar tamén atenderá a melloras en centros educativos. Haberá unha partida para a ampliación e reforma do patio da escola de Barrionovo. Resérvanse tamén 179.000€ á mellora da iluminación do campo de fútbol de adestramento das categorías inferiores do Atlético de Arteixo.

As previsións de partidas tamén reservan unha partida para o proxecto de cubrición do parque infantil situado a carón do centro cívico de Arteixo e que terá un coste cercano aos 300.000€ dos que 233.000 saen deste modificado. Haberá tamén 303.000€ para o acondicionamento da zona deportiva da Urbanización Montegolf. O Concello chegou a un acordo coa empresa Riofisa, propietaria, que nunca chegara a abrir este complexo deportivo que conta cunha piscina exterior e varias pistas de deporte. Agora será unha instalación pública.

O modificado de crédito inclúe outras partidas destinadas á redacción de proxectos ou ao abono de direccións de obras de estas e outras infraestructuras futuras así como ao reforzo de infraestructuras básicas como a construcción dun novo depósito de auga na zona de Lañas.

Pódense consultar aquí todas as inversións previstas

PODE SER DO TEU INTERESE …

Hemeroteca

Consulta todas as nosas noticias da nosa web

Logotipos

Imaxe corporativa e o seu manual de uso

Ir al contenido