Search
Filtro xeral
Só coincidencias exactas
Buscar no título
Buscar no contido
Buscar no extracto
Search
Filtro xeral
Só coincidencias exactas
Buscar no título
Buscar no contido
Buscar no extracto

Inicio > O espazo educa chega a Arteixo co obxectivo de tender pontes entre a escola e as familias

/ O espazo educa chega a Arteixo co obxectivo de tender pontes entre a escola e as familias

A concellería de educación trae a Arteixo a presentación do Espazo-Educa, unha iniciativa da Xunta de Galicia, a través da Consellería de Cultura, Educación e Universidade e o Centro de Formación e Recursos da Coruña. Será o próximo 17 de novembro no Centro Cívico Cultural de Arteixo coa posta en marcha da actividade do “Obradoiro con familias: participación e benestar da comunidade educativa”.

Inés Ramos, concelleira de Igualdade, Servizos Socias, Sanidade e Educación, e Emilio Veiga, director do Centro de Formación e Recursos da Coruña, comparten que con esta iniciativa empezarase a fomentar un novo espazo que axude a potenciar as relacións entre os diferentes membros das comunidades educativas de centros de Infantil e Primaria do Concello de Arteixo, na liña de establecer canles de comunicación e diálogo entre eles.

A xornada contará coa mestra, pedagoga, inspectora educativa, e experta na mellora da convivencia escolar, Nélida Zaitegui que dirixirá o Obradoiro “Participación e benestar da comunidade educativa.

Os principais obxectivos que se pretenden acadar no Espazo-Educa, que se desenvolverá ao longo de todo o curso escolar cunha periodicidade trimestral na que se dará cabida a una actividade informativa-formativa sobre temáticas de máximo interese para as comunidades educativas, son:

  • Aproveitar a oportunidade que nos brinda a formación de ENAPAS nos proxectos de formación (PFPP) e tamén con accións paralelas aos mesmos, de traballar dunha forma coordinada e conxunta entre equipos directivos, profesorado e familias co obxecto da mellora da calidade educativa.
  • Facilitar a formación de Pontes que favorezan as relación familia-escola, tal e como recollen os desenvolvementos curriculares das diferentes etapas así como a Lei 4/2011 de convivencia e participación da comunidade educativa do e o Decreto 8/2015, que desenvolve dita norma.
  • Mesmamente axudar a dar resposta a necesidade que xurde da realidade do posicionamento das persoas que forman as comunidades educativas onde cada vez a sociedade nos demanda maior coordinación, implicación e movementos comunitarios seguindo a liña da Pedagoxía Sistémica.

Trátase de analizar o camiño da formación continua do profesorado e das familias para facer fronte a retos como o uso das tecnoloxías, os xogos dixitais, as cibercondutas, os estereotipos de xénero na familia e a aposta pola igualdade, a educación nutricional e estilos de vida saudables dentro e fóra da escola, a inclusión social, a mellora da convivencia, a importancia das competencias socioemocionais, e do benestar persoal e social… dentro das comunidades educativas coidamos que son elementos máis que suficientes para facer un pequeno esforzo entre todos e todas e traballemos nunha dirección común.

Contarase cun servizo de ludoteca para todas aquelas persoas asistentes que o precisen.

A inscrición para o servizo de ludoteca realizarase enviando o seguinte Formulario de inscrición ao correo electrónico educacion@arteixo.org antes do día 16 ás 14:00 horas.

A inscrición para o obradoiro realizarase enviando un correo electrónico ao enderezo educacion@arteixo.org indicando nome e apelidos da persoa participante antes do día 16 ás 14:00 horas.

Prazas limitadas por rigurosa orde de inscrición

 

Ir al contenido