INCENTIVOS A CONTRATACIÓN E FORMACIÓN DE PERSOAS MOZAS (procedemento TR353C)
Orde da Consellería de Promoción do Emprego e Igualdade do 9 de agosto de 2023, pola que se establecen as bases reguladoras para promover a práctica profesional e a formación en competencias brandas das persoas mozas menores de 30 anos (DOG. núm. 160 do 24-08-2023).
Obxecto e finalidade:
Incentivos a persoas empregadoras e empresas para mellorar a empregabilidade e a inserción profesional das persoas mozas desempregadas en Galicia a través de dúas liñas:
– Liña 1: programa de prácticas mediante contratos subscritos con persoas menores de 30 anos con titulación superior, para a obtención da práctica profesional.
– Liña 2: programa de formación en alternancia, mediante contratos de formación en alternancia con persoas menores de 30 anos que carezan da cualificación profesional para poder concertar un contrato formativo para a práctica profesional.
Tamén serán subvencionables a formación en competencias brandas (habilidades sociais e comunicación, actitudes….) dun mínimo de 60 horas.
Ámbito temporal
Contratacións realizadas entre o 16-10-2022 e o 30-11-2023.
Prazo de solicitudes
Desde o 25 de agosto ao 2 de outubro de 2023, obrigatoriamente por medios electrónicos a través do formulario normalizado dispoñible na sede electrónica da Xunta de Galicia https://sede.xunta.gal.