Search
Filtro xeral
Só coincidencias exactas
Buscar no título
Buscar no contido
Buscar no extracto
Search
Filtro xeral
Só coincidencias exactas
Buscar no título
Buscar no contido
Buscar no extracto

Inicio > Obradoiro de Emprego «Arteixo pola capacitación xuvenil 2021-2022

/ Obradoiro de Emprego «Arteixo pola capacitación xuvenil 2021-2022

O Concello de Arteixo, en colaboración coa Consellería de Emprego e Igualdade, que achega unha subvención de 369.492,32 €, pon en marcha o Obradoiro de Emprego “Arteixo pola capacitación xuvenil 2021-2022”.

Este proxecto ten un apoio financeiro da Unión Europea a través do FSE, Programa operativo de emprego xuvenil.

Durante os próximos 12 meses os 16 alumnos/traballadores inscritos no Ficheiro Nacional de Garantía Xuvenil, estarán contratados polo Concello de Arteixo mediante un contrato de formación e aprendizaxe, polo que percibirán o Salario Mínimo Interprofesional establecido. Así mesmo, durante este período recibirán unha formación na especialidade de revestimentos con pasta de morteiros na construción, xunto con outra formación transversal como: alfabetización informática, sensibilización ambiental, prevención de riscos laborais, educación básica e ESO, igualdade e orientación profesional e formación empresarial. Para participar na selección do Obradoiro os mozos/as de entre 18 e 30 anos de idade, deberán estar desempregados, inscritos/as e en situación de beneficiarios/as no Ficheiro Nacional de Garantía Xuvenil.

Así mesmo, o Obradoiro de Emprego contará con un equipo directivo composto por tres persoas: un director e dous docentes.

Desde o Concello celébrase a posta en marcha desta nova acción para mellorar a empregabilidade da mocidade do Concello, e que supón a continuidade do Obradoiro Dual de Emprego “Mellora dos equipamentos municipais 2020-2021” no que na actualidade se están pintar diversas instalacións municipais.

«O emprego e a formación sempre están dentro das nosas grandes prioridades. Seguimos apostando incondicionalmente polas políticas activas de emprego a través da formación e a práctica laboral, como fórmula para combater o desemprego. Na actual situación económica, compre unir esforzos entre todas as Administracións Públicas para así lograr mellores resultados. Neste senso, destaca a colaboración da Consellería de Emprego e Igualdade e o Concello de Arteixo, que levan anos financiando conxuntamente a realización de obradoiros, programas integrados de emprego, cursos de formación para desempregados, información e orientación laboral ou emprendemento”, apunta o concelleiro de Promoción Económica, Angel Vázquez Sande.

 

 

Ir al contenido