Search
Filtro xeral
Só coincidencias exactas
Buscar no título
Buscar no contido
Buscar no extracto
Search
Filtro xeral
Só coincidencias exactas
Buscar no título
Buscar no contido
Buscar no extracto

Inicio > O Concello puxo en marcha plans de formación para 120 desempregados

/ O Concello puxo en marcha plans de formación para 120 desempregados

O concello de Arteixo, en colaboración coa Consellería de Emprego e Igualdade, puxo marcha nos últimos meses o Obradoiro de Emprego “Mellora dos equipamentos municipais”.

Este obradoiro dual de emprego imparte a especialidade formativa de Pintura Industrial en construcción, con un total de 20 alumnos/as traballadores/as para a citada especialidade.

Os 20 alumnos traballadores foron seleccionados/as a través de oferta presentada no Servizo Público de Emprego de Galicia. Despois superaron un tribunal avaliador segundo as bases aprobadas, e foron contratados/as a través dun contrato de formación e aprendizaxe.

Durante este período, os alumnos/traballadores cobrarán o Salario Mínimo Interprofesional e, ao mesmo tempo recibirán formación conducente á obtención do certificado de profesionalidade EOCB0311-Pintura industrial en construcción, ademáis dunha formación específica en alfabetización informática, sensibilización ambiental, prevención de riscos laborais, educación básica e ESO, Igualdade e Orientación profesional e formación empresarial.

Este grupo de alumnos/as traballadores/as estará dirixido por un/unha directora e dous/duas docentes, e realizarán distintas actuacións de pintura interior, exterior, barnizado, lacado e tratamentos de elementos metálicos en instalacións propias do Concello de Arteixo.

Paralelamente, o concello de Arteixo tamén organizou nos últimos meses os Programas Integrados de Emprego, que teñen por obxecto a mellora da ocupación e a inserción laboral das persoas traballadores en situación de desemprego, mediante a posta en marcha dun plan integral que combine accións de información, orientación, asesoramento, formación transversal en novas tecnoloxías, técnicas de intelixencia emocional e técnicas de motivación para a busca de emprego.

O Programa Integrado de Arteixo beneficiou a un total de 100 persoas desempregadas de Arteixo dos seguintes colectivos: menores de 30 anos, maiores de 45 anos, persoas perceptoras de prestacións, subsidios por desemprego ou renda activa de inserción e mulleres.

O novo programa inclúe accións de formación específica de:

    • caixeiro/repoñedor/operario de almacén,
    • operario de almacén/produtos de pesca
    • atención sociosanitaria a persoas dependentes en institucións sociais (certificado de profesionalidade),
    • axudante de cociña,
    • operacións básicas de restaurante e bar,
    • operario de limpeza

O alumnado tamén recibiu formación transversal en: prevención de riscos laborais, manipulador de alimentos, peixe e alérxenos, marca/coaching, emprego 2.0, emprendemento e orientación laboral.

Ir al contenido