Información municipal actualizada sobre as medidas respecto á COVID-19 aplicadas á cidade e á Administración

 

Search
Filtro xeral
Só coincidencias exactas
Buscar no título
Buscar no contido
Buscar no extracto

Éxito do primeiro Congreso sobre saúde afectivo sexual celebrado en Arteixo

Inicio > Éxito do primeiro Congreso sobre saúde afectivo sexual celebrado en Arteixo

Preto de 300 alumnos e alumnas, xunto co profesorado, participaron no primeiro Congreso sobre saúde afectivo sexual que se levou a cabo en Arteixo no marco da celebración do Día do Neno, que se conmemora o 20 de novembro.

A concelleira de Igualdade, Servizos Sociais, Sanidade e Educación, Inés Ramos, reivindicou tres dereitos fundamentais da infancia: saúde, educación e participación infantil.

Distintos ponentes de prestixio abordaron temas coma as emocións, pensamentos e sentimentos; a xenitalidade, o xénero e as enfermidades de transmisión sexual; para qué serve a sexualidade ou se é igual para todos; etc.

O alumnado, preto de 300 participantes, amosou o seu interese e necesidade por saber máis sobre estes temas. Foron moitas as súas preguntas aos ponentes, nun marco de bo trato aos adolescentes.

O Congreso desenvolviuse en dúas xornadas:

  • A primeira, para alumnos, profesores e equipos directivos que compartiron ensinanzas en canto aos distintos niveis de relación: afectividade, intimidade, sexualidade e xenitalidade.
  • A segunda, para o colectivo do profesorado, pois desde a concellaría de Educación preténdese dar as ferramentas demandadas para a formación dos nenos, nenas e adolescentes.

A concelleira Inés Ramos convocou á comunidade educativa a compartir e participar en máis accións coma estas xornadas, que supoñen atender as necesidades e os dereitos das persoas que ainda no cumpriron a maioría de idade.

Ir al contenido