O Departamento de Servizos Sociais abre o 6 de setembro o prazo para solicitar unha praza nalgunha das actividades sociais vacantes do curso 2022-2023.
O prazo prolóngase ata o 9 de setembro. Os interesados dispoñen deste modelo de solicitude para descarregar e entregar de forma presencial no Centro de A Baiuca en horario de 9:30 a 13:30 ou por correo electrónico na dirección baiuca@arteixo.org
O programa «Cultiva o teu lecer» desenvólvese en todas as parroquias. Consolidáronse 15 modalidades diferentes de actividades, coa posibilidade de elixir desde arte floral ata sevillanas, pasando por restauración, pintura, pandeireta, manualidades, labores, hip- hop, expresión teatral, estimulación articular, danzas do mundo, canto grupal, palillos, bailes de salón, e baile moderno.