A crise da COVID 19 segue a condicionar, como fixera en 2020, o San Xoán deste ano.
As normas publicadas pola Policía Local, indican que soamente autorizarán a celebración de Cacharelas ou sardiñadas en propiedade privada. Sinalan que queda totalmente prohibida a realización das mesmas en espacios públicos e nas praias.
As persoas, que desexen realizar unha cacharela/sardiñada na súa zona de residencia deberán presentar a solicitude correspondente preferentemente a través do correo electrónico: cacharelas@arteixo.org ou na oficina da Policía Local. Atenderán en horario de 09:00 a 14:00 horas dende o día 11 de xuño ata as 14:00 horas do 22 de xuño.
Na solicitude hai que sinalar o nome, enderezo, teléfono e fotocopia do D.N.I. dos responsables da organización, así como todos os datos que constan no modelo de solicitude. As persoas responsables teñen que ser maiores de idade.
