Search
Filtro xeral
Só coincidencias exactas
Buscar no título
Buscar no contido
Buscar no extracto
Search
Filtro xeral
Só coincidencias exactas
Buscar no título
Buscar no contido
Buscar no extracto

Inicio > A comunidade educativa da escola de Barrionovo ultima coa concelleira Inés Ramos o proxecto de reforma do patio do centro

/ A comunidade educativa da escola de Barrionovo ultima coa concelleira Inés Ramos o proxecto de reforma do patio do centro

A concelleira de Igualdade, Servizos Sociais, Sanidade e Educación, Inés Ramos, reúnese coa comunidade educativa da escola de Barrionovo co obxectivo de organizar o desenvolvemento e execución do proxecto de reforma e renaturalización do patio deste centro educativo.

A actuación conta cun investimento de  52.000 € e serve para materializaro traballo levado a cabo desde o curso 2019-2020 por toda a comunidade educativa da escola de Barrionovo.

O obxectivo é o enriquecemento das opcións de estancia e actividade do alumnado no seu espazo de recreo, conferíndolle así a posibilidade de gozar de diferentes texturas, equipamentos e posibilidades.

Para poder dar resposta a estes condicionantes ampliarase a superficie dispoñible, pasando dos 196 metros cadrados aos 332 metros cadrados. Aumentarase o carácter verde e a exuberancia do patio a través de elementos vexetais, creando tamén un límite vexetal coas rúas circundantes, tamizando así a visión, a acústica e a privacidade do patio.

Os xogos e elementos de psicomotricidade estarán construídos principalmente con elementos naturais. A maiores crearanse zonas de experimentación como hortas, compostaxe e elementos de auga. A intervención completarase coa creación dun espazo de acollida no exterior.

Ir al contenido