A Concellería de Igualdade, Servizos Sociais, Sanidade e Educación, promove unha nova iniciativa centrada no benestar psicolóxico da cidadanía. Baixo o título «Saudablemente: como coidar a saúde mental», a xornada terá lugar o vindeiro xoves 21 de maio na sala multiusos do Centro Social de Froxel, en Oseiro.
A sesión desenvolverase en horario de mañá, entre as 11:00 e as 12:30 horas, e ten como obxectivo principal ofrecer ferramentas prácticas e estratexias de autocoidado para mellorar a xestión emocional na vida cotiá. Esta actividade enmárcase dentro dos programas municipais de prevención e promoción da saúde, buscando achegar recursos profesionais á veciñanza nun formato accesible.
O evento conta co cofinanciamento do Ministerio de Hacienda, a Unión Europea a través dos Fondos Europeos Arteixo, e a Deputación da Coruña. As persoas interesadas en participar ou obter máis información poden dirixirse ás dependencias do propio centro social ou consultar os detalles na páxina web oficial do Concello.