O Servizo Municipal de Deportes e o Departamento de Educación comunican as prazas vacantes nas Actividades Extraescolares para o curso 2025-2026 a data 27 de xuño de 2025, logo de finalizado o prazo de renovación.
Prazas vacantes actividades educativas
Prazas vacantes actividades deportivas
Para solicitar estas prazas vacantes deberase seguir o seguinte procedemento a partir do día 14 de xullo.
Publicación prazas vacantes: 8 de xullo na páxina web municipal.
Prazo de preinscrición: do 14 ao 24 de xullo
- O impreso de preinscrición poderase recoller nas oficinas do Servizo Municipal de Deportes ou Educación; ou descargalo na páxina web municipal www.arteixo.org. Deberase entregar nas oficinas do Servizo Municipal de Deportes ou Educación, en horario de atención ao público (de luns a venres de 9:00 a 14:00 horas). Do mesmo xeito poderase enviar á dirección deportes@arteixo.org e educacion@arteixo.org.
- No caso que o número de solicitudes supere ao das prazas ofertadas, terá lugar un sorteo público procedéndose á asignación de prazas a partir da primeira letra do primeiro apelido.
Exposición de persoas preinscritas: A partir do 1 de agosto na páxina web municipal.
Prazo subsanación erros: 4 – 8 de agosto
Publicación listaxe definitiva de persoas preinscritas: 11 de agosto na páxina web municipal.
Sorteo público: 12 de agosto ás 11:00 h no Pazo dos Deportes de Arteixo
Exposición da listaxe de persoas admitidas: A partir do 14 de agosto na páxina web municipal
Prazo de matrícula: As persoas admitidas terán un prazo (18 ao 28 de agosto) para formalizar a matrícula de cada actividade, debendo entregar o xustificante de pagamento, exclusivamente no Servizo Municipal de Deportes ou Educación. No caso contrario, procederase á anulación da praza.
- De quedaren prazas libres, seguirán facéndose inscricións a partir do 8 de setembro.
- Lembramos que o calendario de actividades rexerase co establecido pola Consellería de Educación, coas vacacións de Nadal, Entroido e Semana Santa.
- Pódese efectuar o pago do prezo público nas entidades bancarias habituais ou a través do TPV virtual na páxina web municipal