O Departamento de xuventude organiza un curso de conversa de inglés dirixido á mocidade de entre 12 e 30 anos, co obxectivo de mellorar a soltura, a confianza e o vocabulario en situacións reais do día a día.
O curso desenvolverase a través de sesións dinámicas centradas na conversa, polo que non é preciso contar cun nivel alto de inglés, só ganas de aprender e participar.
As clases celebraranse os venres, de 17:00 a 18:30 h, desde o 27 de febreiro ata o 25 de xuño.
O prazo de inscrición estará aberto do 9 ao 13 de febreiro, a través deste formulario web
As prazas son limitadas e asignaranse por orde de inscrición.
Para máis información, as persoas interesadas poden contactar no 981 659 133 ou achegarse ás instalacións de Xuventude en Arteixo.